9-9-2009 : To be a better daughter

因為9月7日係兩個重要的人生日， 媽媽和男友， 近這幾年都是新曆正日和男友慶祝， 媽媽舊曆生日時才和媽媽慶祝。一如以往, 今年的9月7 日因為烽和媽媽都要開會, 加上屋企爆水侯, 我買著一個蛋糕回家, 途中見到一位街坊 陳太, 陳太問我邊個生日呀? 我下意識話: 我阿媽！但其實認真想想我拿著的這一個蛋糕是給男友的, 心想算吧別澄清這麼多, 反正想快回家, 身體很累。

今日公司TRAINING 上課中爸爸打來, 話昨日陳太同媽媽講生日快樂, 仲話:你個女咁乖買蛋糕比你, 爸爸話阿媽听完之後好唔開心, 差點"爆"咁, "爆"可能係解哭… 我听完電話真係乜都唔識講, 我好差好差, 我真係好離譜, 我應該買兩個蛋糕, 我應該做好D, 我應該唔好同陳太講, 我應該點算好?

今晚係媽媽舊曆生日喇, 我昨天已PLAN 左買蛋糕比媽媽, 但今晚我都係要開會. 一個星期開6日會.公司學會都好忙, 真係唔知可以再點ARRANGE 時間, 自己既BEST FRIEND 有半年冇見過,自己最鍾意做咩野都已經唔記得, 支部35週年友好大會亦唔夠人幫手, 知道D負責人忙都唔敢叫佢地幫忙, 不過最欣慰係有好多之前少出現既女子部經對話後肯幫手出來跳舞. 大行事有三障四魔是一定的, 還好, 我有深厚的教學力與確信力陪伴我.

決心 to be a better daughter , better employee , better SGI member, and to have a better mind.