第一次寫 BLOG

見到文欣寫blog寫得咁開心, 睇到文欣寫既day 1 曼谷trip既紀錄勾起好多開心搞笑回憶, 差d忘了, 突然想到如果我唔將每次睇到听到既開心野寫低, end up 我可能有好多野都唔記得左 (尤其是我這樣沒記性的人...) hoho^^

12-7-2009

今朝一早電話的alarm 7:55am 已經響起, 比自己瞓多15分鐘既我, 最終搞到9點先起身.... 好衰仔, 因為今日係要天虹練習, 我不斷同自己講: 我係主任喇, 一定要出席就算遲到都要去呀!!!! 去到已經唱完題....我自己真係好衰....下次一定唔可以再遲到, 遲到要罰10分鐘立起,隻腳瓜累到抽筋, 皆因5A班由今日開始進行地獄式訓練orrr, 好辛苦不過好正, 我好耐好耐冇試過星期日都可以練基訓練到咁徹底, bar 內竟做左一個鐘, 為英真係好正, 好開心, 希望自己既技術可以大大提升. 不過仍然好期待逢星期五芳老師的拉斯維加斯, 哈哈^^^

完左天虹, 同文欣一起走, 見到慧肥, 文欣話慧肥靚左, 我附和. hehe^^ 奸笑.
再出去會合烽, 去到新世紀比烽吹我行得慢,天氣真的熱到火燒後pat, 最抵死係我去到新世紀門口先比烽提醒到我忘了將男子部的飛放到會館的locker他們2pm 要用.........抵死的我要回到火燙燙的街番文館擺番d飛..... 我現在知道這就是我今早懶床的真正'徵'罰了。

因為太子多人+熱, 烽心情不太佳, 我們火車再轉地下鐵, 到金鐘食delifrance, 3pm 再去睇<<殺人犯>>, 一開幕頭1分鐘已經嚇死我, 我個人好細膽, 唔會睇恐怖片, 右邊又冇人坐, 我更驚, 用這戰戰兢兢心情看完整部電影, 我比80分, 因為有d位真係估佢唔到, 結局出人意表。我覺得arron kwok 真係keep 得好young, 好似冇老過咁.

之後落再灣仔、中環找烽想要的波鞋, 結果灣仔找不到, 中環有不過沒有他size, 烽當然不開心, 好彩我問sales仔攞product code番到屋企上網搵到尖沙咀sogo有, book了, 明晚攞。(鬆一口氣)

睡了一會落街食晚飯, 烽請客因為之part time 賺了錢, 我食得勁知味。

回到家睇michael jackson, 好正好好睇, legendary, genius!!!!!!!!!! king of pop!!!

做完facial mask, hair mask 之後寫blog, 一個美滿充實的星期天隨著我按下這blog的"發布"完結。